Er þetta alvara eða spaug..stofan??

Ég segi nú bara eins og í spaugstofunni, ég held að þetta sé allt eitt samsæri.. Sennilega er banka uppbyggingin og hrunið mikla hengt á sömu spýtu, sem sagt,  byggð upp á loforðum og loftbólubréfum af stjórnendum og ráðamönnum landsins þannig að ef einn einstaklingur  er feldur.... þá falla allir eins og dóminos.  Ég er farin að trúa þessu.  Reynir var næstum búin að fella fyrsta kubbinn í gær.. Nú  þora þeir ekki að reka hann.. 

Reynir biðst afsökunar

Bara ég..

 Jæja nú er ég komin aftur í rólegheit.  Við vorum að funda stjórn LBL á mínu heimili, þannig að ég sat bæði fundinn og trakteraði funda gesti eins og mér var unnt. Þetta fór vel saman, því íbúðin mín er svo mátulega stór.  Þetta var fundur sem skilar miklu til framtíðar fyrir okkur. Skemmtileg verkefni framundan.  Við byrjuðum kl 10 í morgun og hættum kl 15.15.  Síðan fór ég að horfa á ungfrú alheim, sá þar okkar stúlku standa sig með sóma. Allar voru stúlkurnar fallegar, ég sá bara 15 í nærmynd., því það var verið að velja úr hópnum þegar ég opnaði fyrir tækið.

Á meðan á fundurinn stóð yfir, var dyrabjöllunni hringt og úti stóð nágranna kona mín með fallega kerta skál og rétti mér og sagði mig langar að gefa þér hana. Ég var ekkert lítið hissa, en auðvitað þakklát. Ég  skrapp til hennar í kaffi í gær, og sá þessa skál og dáðist af henni, hún var svo einstök,  en datt ekki til hugar að konan færði mér hana í kjölfarið. Falleg hugsun, falleg gjöf. Ljós til hennar.. Nú ætla ég að finna eitthvað fallegt handa henni í staðinn, ekki spurning...

Svo seldi ég  3 hljómdiska í dag sem bera titilinn Litið um Öxl, og er sæl með það. Annars þarf ég að fara að kanna málið hvað sé eftir af honum hjá öðrum söluaðilum, því ég á bara 4 eftir..

Svo einka fréttir af mér í lokinn.. Ég fór í klippingi í gær og er búin að láta klippa allan lit burt, þannig að nú er ég í sauðalitunum, og bara nokkuð ánægð með mig.  Fyrst að ákveða og svo að framkvæma.. Eigið góða helgi öll sömul.

 

Takk fyrir ykkar innlegg í umræðuna strákar!.

Hvernig haldi þið að við stæðum ef Háskólasjúkrahús hefði verið komið inn á markaðinn sem bólubréf?  Hvar væri þjóðin stödd í dag? Hafi þið hugsað um það ágætu lesendur?  

En eru ráðamenn þjóðarinnar staðráðnir í að koma stofnunni á markaðinn.  Ef við höldum áfram á þessari braut verða það örlög  afkomenda okkar að lifa eins og  fátækustu þjóðirnar í Afríku þurfa að búa við í dag. Vilja ráða menn það?  Hugsum sem sjálfstætt ríki,  látum þetta hrun kenna okkur hvers virði er að búa á Íslandi og geta nýtt það sem guð gaf okkur til að lifa á. Eigum okkar auðlindir stolt áfram, hvort sem það er á landi eða láði.

Trúnaðarmál bakara og gullsmiðs

Hver verða skattleysismörkin?

Hækka þau, eða standa þau í stað?.  Ég sé það ekki í þessari fréttatilkynningu.

Tekjuskattur og útsvar hækka

Mér barst þessi snilld í morgun.

Njótið þess að brosa inn í daginn.. 

Jólasveina / banka vísur

1.
Glitnisgaur kom fyrstur,
gráðugur í öll bréf.
Hann laumaðist í vasana
og lék með fólksins fé.

Hann vildi sjúga þjóðina,
-þá varð henni ekki um sel,
því greyið var sko afæta,
-það gekk nú ekki vel.

2.
Björgúlfsaur var annar,
með gráa hausinn sinn.
-Hann skreið úr skipi hafsins
og skaust í bankann inn.

Hann faldi sig í Rússlandi
og froðunni stal,
meðan bjórmeistarinn átti
við Yeltsín gamla tal.

3.
Bjármann hét sá þriðji,
böðullinn sá.
Hann krækti sér í milljarða
þegar kostur var á.

Hann hljóp með þá til Noregs
en hirti ekki um sjóðina,
sem féllu hver af öðrum
við sjáum núna slóðina.

4.
Sá fjórði, Bændasleikir,
var fjarskalega sljór.
Og ósköp varð hann leiður,
þegar bankadruslan fór.

Þá þaut hann eins og Welding
og þotuna greip,
og flaug með henni í London
því krónan var svo sleip.

5.
Sá fimmti Smárasnefill,
var skrítið fjármagnsstrá.
-Þegar hinir fengu í nefið
hann barði dyrnar á.

Þeir ruku'upp, til að gá að
hvort gestur væri á ferð.
Þá flýtti' ann sér að pokanum
og fékk sér góðan verð.

6.
Sá sjötti Sigjónárna,
var alveg dæmalaus.-
Hann framundan rústunum
rak sinn ljóta haus.

Þegar fólkið vildi skýringar
á auralausum reikningum,
hann slunginn var að afsaka
og skyldi ei neitt í hlutunum.

7.
Sjöundi var Heiðarmár,
-sá var sjaldan sýndur,
ef fólkið vildi tal af 'onum
hann var alltaf týndur.

Hann var ekki sérlega
hnugginn yfir því,
þó þjóðarskútan maraði
þá hálfu kafi í.

8.
Baugabur, sá áttundi,
var skelfilega þver.
Hann hluta keypt'af bönkunum
með hluta úr sjálfum sér.

Svo lánaði hann sér milljarða
og yfir öðrum gein,
uns stóð hann á blístri
og stundi og hrein.

9.
Níundi var Nógafaur,
næmur á fé og snar.
Hann hentist út um heiminn
og hluti keypti þar.

Á enskum bita sat hann
í símaleik
og át þar hluti drjúga,
enga Breta sveik.

10.
Tíundi var Skallakjaftur,
tungulipur mann,
sem hamaðist á landslýð
og æsti upp hann.

Ef vammlegt var hvergi
né ósiðlegt að sjá,
hann oftast nær seinna
í það reyndi að ná.

11.
Ellefti var Stjórnaskelfir
-aldrei fékk sá kvef,
og hafði þó svo hláleg
og heljarstór eyru og nef.

Ef fnyk af féhyggju
ekki hann fann,
þá léttur, eins og reykur,
lyktina upp spann.

12.
Sólráður, sá tólfti,
kunni að spinna vef.-
Hann þingmannasveitina
sveigði í kosningaþref.

Hann krækti sér í fylgi,
þegar kostur var á.
En stundum reyndist enginn
akkurinn hans þá.

13.
Þrettándi var Kreppugeir,
-þá var komið kvöld,
alltaf kom hann síðastur
á bankahrunsöld.

Hann blekkti litlu börnin sín,
sem mótmæltu prúð og fín,
og trítluðu um bæinn
með spónaspjöldin sín

 

Er fólk að taka við sér?

Gott hjá þér Björgvin.  Það er ekki hægt  að láta sama fólkið og græðgin felldi, vasast í eignum, sem þeir eiga ekkert í. það er komið nóg.  Sýnið þjóðinni virðuleika og traust með því að opna allar dyr upp á gátt..

Kaupþing í Lúx ekki selt nema gögnin fáist

Á ekki að nýta upplýsingarnar frá þeim?

Nú eru þeir búnir að segja sig frá þessu verkefni hjá KPMG. 

Eitthvað hefur þetta kostað okkur landsbúa.. Eigum við ekki rétt á að sjá hvað kom út úr þessari tveggja mánaða rannsókn?..Nóg hefur rannsóknin kostað ef ég þekki kerfið rétt.

Farið yfir störf KPMG fyrir skilanefnd Glitnis

Lækkið laun þeirra um helming.

Þessi laun eiga eflaust að sýna hversu mikið vald þessi menn hafa.  Þeir hafa þau völd að skera niður  smálífeyri sem fólkið í landinu á að fá, um  um talsverðar upphæðir fyrir þau, en litlar í augum þeirra.  Þeir taka laun sín af sparnaði fólksins  sem safnaði upp þessum sjóðum. Flestir  lífeyrisþegar borga meira að segja tvöfaldanaskatt af þessum sparnaði, því það eru ekki mörg ár síðan að það var hætt að láta borga af honum við útborgun launa. Auðvitað áttu allir að fá lífeyrinn skattlausan í lokin, eflaust hefur það verið  hugsað þannig í upphafi.

1. Hverjir  eru það sem velja fólk í stjórn lífeyrisslóðana? 
2. Hver er það sem ræður  stjórnarmenn og forstjórana?
3. Hverjir  ákveða launin?.
4. Urðu þessi háu laun ekki til á loftbólu tímum? 
5. Forseti Íslands var með 800 þús. á mánuði ekki fyrir mörgum árum síðan, hann hefur meira en tvöfaldast í launum á loftbólu tímum. Ríkisstjórnin og ráðamenn landsins hækkaðu líka um mun meira en helming á meðan láglaunafólkið sem sinnir lykilstörfunum í þjóðfélaginu skrimtir af lágum upphæðum sem er ekki hægt að hækka um helming, þó lágt sé...

Kerfið hrundi og allar fyrri forsendur um leið.  Nú á að lækka laun allra þessara manna, og ríkisstjórnar, forseta og fl og fl í þessum geira um meira  en 10-15 %, það er ekki neitt. 

það á hið minnsta að lækka þau um helming. Byggjum upp á nýtt eins og fólk sem ber virðingu fyrir öðrum,og af ábyrgð, en ekki með hroka.

það á að skera niður í   tölu sem gilti áður en loftbólurnar urðu til. Ef þetta fólk getur ekki lifað af miljón á mánuði, hvernig getur þá láglaunafólkið lifað af 120 þús útborgað á mánuði , ég bara spyr?.

Laun stjórnenda helstu lífeyrissjóða munu lækka

Skrítið svar.

Hvernig skildi Þorgerður mótmæla?. Persónulega er ég á móti því að vera með hávaðasamar aðgerðir, það hefur bara upp á sig aukin skrílslæti og hávaða, jafnvel heift og meiðingar.. Málefnanlegir fundir er fínir þar sem fólk getur talað saman. Það er það sem þarf.. það talar engin saman í hávaða og æsing, reiðin bara magnast.

Mótmælendur eiga ekki að bíta

Kíkið á boðið á síðunni hennar

 Heidi Strand...... hún er snillingur konan.   hér er slóðin http://heidistrand.blog.is  

ég set hér boð gærdagsins  ég hvet síðan alla til að drífa sig... að sjálfssögðu

Nú eru auðmenn að bæta ímynd sína. Jón Ásgeir ætla að lána fyrir vaxtalausum jólum.
Samherjamenn gáfu peninga til góðgerðamála og nú er komið að öðrum eins og bankamönnum og pólitíkusum.
Sigurður ætlar víst að bjóða nokkur hundruð heimilislausum til jólahátíðar á nýja Sveitasetrinu í Borgarfirðinum.
Umgjörð og skreytingar verða í höndum Ingibjarganna.
Jólafötin verða í boði Jóns Ásgeirs.
Nóg vín handa öllum að eigin vali úr vínkjallaranum.
Veislustjóri verður Hannes Hólmsteinn.
Ráðherrar þjóna til borðs.
Ræðumaður kvöldsins er enginn annar en forsetinn.
Biskupinn segir sögur af fátækum börnum í Afríku og skilanefndarkórinn syngur jólaólög.
Í lystauka er boðið upp á ryklagðan lax í sökudólgasósu.
Í forrétt verður ferskur kjúklingur frá Matfugli.
Milliréttur er gjaldþrotasúpa. Aðfangadagskvöld verður í aðalrétt boðið upp á grillaða hamborgarahryggi af írsku svínakjöti í boði Samfylkingarnar og grillað af sjálfstæðismönnum.
Eftirréttur: Naumt skammtaðar vaxtabætur
Kaffi og vandræðabakstur á eftir.
Davíð Oddsson les eigin smásögur úr Svartaloftum, m.a. Lífvörðurinn og ég.
Össur segir brandara.
Bjarni Ármannsson leiðir sönginn auk þess taka nokkur einsöngslög.
Jólasveinninn verður að sjálfsögðu Björgólfur gamli á meðan hinn yngri sér um fólksflutninga í og úr Borgarfirðinum og gefur töflur gegn timburmönnum og ótímabærri þungun frá (F)actavis.
Allir fá glaðning frá Jóhannesi í Bónus.
Að lokum verður gengið í endalausan hring kringum jólatréð.

Frágangur og þrif verða sjálfsagt verkefni vinstri grænna.

Góða skemmtun!